Yanmaktan usanmazam pervâne miyim bilmem

Yanmaktan Usanmazam

Yanmaktan usanmazam pervâne miyim bilmem

Hiç sonunu saymazam divâne miyim bilmem

Dil-hâne harâb oldu yıkıldı türap oldu

Her cânibi bâb oldu vîrâne miyim bilmem

Her şâm u seherde zârım gûş eylemez ol yârim

Bakmaz bana hünkârım bîgâne miyim bilmem

Kalbimde ocağım var sînemde de dağım var

Âteşte durağım var hep yâne miyim bilmem

Nûrî dem-i dehşette bahr-i gam-firkatte

Ka’r-ı yem-i hayrette dürdâne miyim bilmem

Abdülahad Nûrî Şair ve Şeyh