Cevher-i âyîne-i sırr- ı dü- âlemdür şarâb

 
 
 
GAZEL
 
Cevher-i âyîne-i sırr- ı dü- âlemdür şarâb
 Âfitâb-ı feyz-bahş-ı cân-ı âdemdür şarâb
 
Olmadan âbisten-i tıfl- ı mevâlid üm mühât
Tâ ezelden bâde-i aşk ile tev’ emdür şarâb 
 
Kimseler bilmez kemâhî neşve-i keyfiyyetin
Rûh-ı insânî gibi bir sırr-ı mübhemdür şarâb
 
Katrasın nûş eyleyen  ‘Îsî -i cân-bahş olmada
Rûh ile hem-mâye gûya şîr-i Meryem’dür şarâb 
 
Akl u cân ü dîn ü dil nâmahrem-i ‘uşşâk iken
Bî -tekellüf râz-ı ‘aşka yâ- ı mahremdür şarâb
 
Her habâbı oldı gûyâ ahter-i burc-ı tarab
Subh-ı mihr-efrûz u şâm-ı zulmet-i gamdur şarâb
 
Hikmet üzre gerçi medh itdün mey-i nâbı Fehîm
Bilmedün ammâ ki aslın san„at-i Cem’dür şarâb
 
(Üzgör, 1991: 322)
 
 
 
 





EsaAdmin / Erkek / 8/24/2016